يوم ميلادي
أبويا استلف أجرة الداية
ولعن سلسفيل أبو الأيام
اللي راحت واللي جاية
وامي شافت وشي في المرايا
المكسورة علي الحيطة ورايا
فرحت شوية..ماكنتش تعرف
شئ من الحزن جوايا
قالت بنية جناحها يا ناس مكسور
ومهما كانت حلاوتي
ولا ف قلبك يا ماي غلاوتي
برده شيلة وشيلة تقيلة
لأني بنية وكلي مشاكل
ودايما تشاكل وشايلة الهموم
عشان عريس
وتصبح واحدة من المتاعيس
بتعلف بقرة وتلات جواميس
و لحماتها واحدة من الجواسيس
وحوا قالوا عليها تموت في الفلوس
وفي العز تهيص
والموضة هوايتها
والألوان لعبتها
عشان دايما تبقي حلوة
وثابتة في عتبتها
ودايما يجيبوا ف.سيرتها
ويقولوا ضلعها أعوج
وآدم م.الجنة انطرد بشورتها
لما قالت له ..كل من التفاحة
ما دقت ف حلاوتها
وآخر الشورة وقفت عريانة
مكشوفة للخلق عورتها
المشاركات
0 التعليقات