باسم الله بارقيها من عنين الناس
ومن عنين شيطان خناس
أرقيها من الحساد واللي ع العقل حاسديها
ومتمسكة بدينها, وأرقيها من اللمة
وم الخالة وم العمة
وأرقيها من راسها لما لساسها
واوصي عليها حراسها
واقلب ع الباب مداسها
واقول ابعد عنها الف مرة يا شيطان
واحميها يا رحمن ..يا حنان ..يا منان
ومصرنا في يوم عيدها
من قلبي بادعي لها..وابوس شعرها وإيدها
واغني لها تعيشي يا مصر
وبالعمل نطلع خطوتين أدام
ويا حلوة تعظيم سلام
للي يدوا للوطن وما قالوش هناخد كام
وإيه يعني هناخد إيه ؟
غير كفن من غير جيوب ودعوة حلوة من مظلوم
تمحي ذنوب , ماهه ربك برده رب قلوب
ويا عيني لما يتساوي الغفير مع السلطان
والباشا صاحب الأطيان نايم في ريحه
واحد فقير غلبان
وتزول المناصب ولا يبقي سوي الإنسان
وسيرة متعطرة بالحب والإيمان
سنين عمرها عدت والكل واحد عندها
تديه تحية واحترام
صغير كبير ..راجل ولا ست
أهدوها وسام الاحترام
بتوبها الاسمر واخلاصها
وذوقها العالي واحساسها
متبسمة لكل من ليه طلب
وردها فيه الأدب, وماتسألوش عن السبب
ختم الشعار مستني إمضتها
ولا من خزنته يطلع إلا بشورتها وكلمتها وحكمتها
وعمرها أبدا ما استغلت وظيفتها
واسألوا احمد عبد الله
يحكي لنا في الشهامة حكاية من حواديتها
دي بنت بلدي المصرية
وردة ومفتحة في الإدارة وروحها حلوة وشعبية
ولا عمرها بتفرق ولا تعرف أبدا عنصرية
وتقول عشانك يا مصر
قلبي للولاد مفتوح
طب ليه يا مصر تزعلي
ليه قلبك ع الولاد مجروح
وفيه آمال تحيي المحال
جوه القلوب
ومهما يمر الزمن
م الجنة عطرها بيفوح
عايدة
والست عايدة علينا تطل
شايلة في إيدها ورد وفل
زي القمر علينا تهل
يرمي علينا حب وضل
وقلوبنا بالخير عمرانة
مافيها أبدا ريح الغل
يالله بقي عيشوا حياتكوا
وافرحوا ويا الأحفاد
د الدنيا تبدأ في الستين
ويا السعادة والأعياد
سبحة وسجادة
والوحدة دي عبادة
وقراية القرآن فيكم بقت عادة
ومصر ولادة
تدينا عايدة وأحلي آمال
وعادل أخونا وحبيبنا
يعيش في صحة دايماوسعادة
المشاركات
0 التعليقات