بيزورني يوماتي
ويسقيني أنين وآهات
وياخد من نن عيني
يحسرني ع.اللي فات
يبكتني ويقول في شماته
طب اشمعني انت بالذات
عايشة بالمبادئ الحكم
وكلام خايب زمانه فات
ودايما تقول ستي
التعلب فات فات
واخد في ديله المليارات
وأنا جوزي م. القهر
والخصخصة
والله طق ومات
وفريد بيغني
لمصر ام الدنيا والأهرامات
وآدي الربيع وزهوره
وأجمل الذكريات
وانا لسه عايشه
في أول همسه
في الفساد ودليلي
مستندات
يانايبنا العام باتظلم
وباتألم
واحلف لك
إني ماامتلكش شيكات
واحدة عادية جدا
عبايتها سودا
وطرحتها خيوطها
مغزولة بالحكايات
تقبض مرتبها تلتمية ربعمية
قول خمسمية كلهم جنيهات
شوية للسكن
وشوية لدروس العيال
وتخلص الجنيهات
وبقية الشهر تقضيها
في العزومات
مرة عند اخوها
ومرة عند امها
مرة عند اختها شربات
اللحمة مالهاش ميزانية
ميزانية فول وطعمية
أغلب الأوقات
لا ليها شغالة
ولا ف ايدها
غويشة دهب
ولا حتي أنتيكة
والسكة مهماكانت طويلة
تمشيها بالمسافات
دايما تحمد ربنا ع. الستر
وطمحها بسيط جدا
لويسألوها نفسك في إيه؟
تقول نفسي
في مبيد يكون جامد
يموت الحشرات
اللي بتنام معايا
ع. السرير
مضيقة خلقي
وآه في الحر
لو افتح الشباك
المشاركات
0 التعليقات