أطبطب وادلع
الدكتور عصام شرف.....إلي متي تطبطب وتدلع الشعب مرة والجيش مرة أخري ...صدقني كل ده علي حساب أعصابك لابد من أخذ موقف وأن نعود جميعا للعمل والارتقاء بالوطن حتي تنجح الثورة
الصراحة ..راحة ياعيني وانت مابتعرفش
إلي كل فاسد يحاول أن يزايد علي الوطن ويقول أنا كنت كذا وكذا وباعمل كذا وكذا ..لماذا نحاول جميعا أن نترك أعمالنا وندخل في مهاترات لا تودي ولا تجيب
علي حسب الريح ماتودي
المواطن المطحون فرحان بالثورة وخايف م.الديول , عايز يقول يطلع كلامه مش أد القول , عايز فلول النظام تختفي والثورة تدوم علي طول لكنه دايما يغني طازة وعال ياأم الخلول , وأم الخلول هم مخاليل النظام الذين تراودهم الأحلام في عودة أبو الخلول وأم الخلول وأنجال الخلول .
ظلموني الناس ظلموني
قالوا له : إنت الزعيم ,والحكم بعدك لمين هايروح. ياولدي وكبدي وسندي يا روح الروح سايبني ياعمري ورايح فين بيحاكموك وبيهينوا أبوك وبيسألوك إنت ابن مين ؟ آه يابلد كنت فاكرك عبيطة ورا كل إمام تقولي آمين , في لحظة بعتيني وتقولي خاين هرب الملايين.
أنا والعذاب وهواك
عز والحديد والحزب فكره جديد هايعيشنا في سعادة نشرب حشيش ونحلي بفول مدشوش وفطارنا مش وجبنة قريش , ناكل ونضرب سلام لزعيمنا الهمام وندعيله تعيش ياباشا ان شالله تعيش.
المشاركات
0 التعليقات