النظام علمني 
أكتب في الهيافة
وإزاي أضحك ع. الدقون
وإزاي أجيب
رجل الزبون
وأقول
بلدنا فيها إنجازات
النظام علمني
إزاي نعيش في الحلم
وكلنا أموات
النظام علمني
أ. ب : يعني أب
أ .م : يعني أم
كلام كده فهلوة وحركات
النظام علمني السكات
لما صوت الحق يخرس
والزور يعلي لفوق
والنيل بايع لسانه
يوميته بايعها للغريب
ونسينا إن أبونا السقا مات
يا قلب الحلم رفرف
وهفهف كسر الحواجز
قرب المسافات
خللي خطوتك
ألف خطوة للأمام
وقول ولاتخافشي النظام
النظام اللي انت
عارفه وشايفه
ومنه خايف
يعيشنا كلنا
في ظلام
ويقول نور الكهرب
نور الريف والحضر
وبلمبات النيون
زرع الشجر
فل وزيتون
وألف لون
يتكلموا من غير كلام
لكن في النهاية لا يصح إلا الصحيح
سقط النظام
المشاركات
0 التعليقات