يا شعبنا يا نور ونار
يا شعبنا ما خلاص طلع النهار
يا شعبنا الوطن وطنك
واللي معانا يعيش لازم يعيش في سلام
ولا نسمح لواحد منهم أو مننا
يشعل الفتنة في كل دار
وكفاية جيشنا اللي غير المسار
والسيسي اسم غالي يا وطن
حكم اللجام..وقال مصر أولا
وليها مليون تحية وتعظيم سلام
شفت صورتك في الميدان
قلبي رفرف زي طير ولهان
مش عارفة ليه؟ يمكن عشان
حسيت إنك بتحب الغلابة
اللي انا منهم وساعات أبات سهران
بافكر في بكره اللي مش راضي يبان
وألف شكر ياوطن
يا نسر بينا طاير للسما
وانا حينما فكرت أكتب وبينما
أشعلت قلمي من وريدي وبالدما
أيقنت إني باحبها وحبها
في قلبي كان نجمة تهديني ف طريقي
وربما كان العلم والهرم والنيل
لعب العيال في الشوارع والغنا
وفاس جدي اللي معلقة فوق جدار
دارنا اللي مبنية بطوبها الني
وعلمني أكون شديد وعمري ما أكون ابدا ني
أرفع بإيدي العلم علي أد دراعي مايعلي
وأعشقها بالجبنة القريش والمش
والعيش ساعات من غير غموس
وعمري ما اعرف أغش
لا في الميزان ولا الألوان
ولا في أي امتحان وأكره الأمريكان
وساعات الحكام اللي عيشونا في قهر
لكن زي جدي باحب جمال وماليش في الفلسفة
ولا في حب المال
لكن باحبك يا وطن دبلة فضة
في إيد حبيبي
وساعة العصاري في رنة الخلخال
المشاركات
0 التعليقات