أنا لما شفت البشر طوفان
واقفين في قلب الميدان
مش خايفين لكن لأول مرة
من سنة حاسين بالأمان
سلامتك يا مصر وألفين سلام
من حكمهم حكم الإخوان
واقفة وقلبي م الفرح
طاير للسما طيران
الله عليك يا جيشنا
يا حارسنا وحارس مصر
من كام ألف عام......
الله عليك ونشيدك بيزلزل قلوبنا
ويغور حكم علمنا معني الظلام
وباحبك يا علم تلات ألوان
علي وجه الحفيدة البريئة
رسمته بإيدي
علشان أعلمها طعم الحرية
زي الشمس لما تبان
ضحكت ضحكة بريئة
قالت مصر وعلي خدها شاورت
وقالت كل يوم هاحبها أكتر
صح يا تيته
قلت لها صح يا أيامي اللي راحت
واللي جاية..
وأنا طول عمري لمصر أسيرها
ولا احب غيرها
هي الأميرة وجيشها ابن مصر أميرها
المشاركات
0 التعليقات