ولا ننسي الشهدا اللي دمهم سال في الميدان
وصورهم باقية جوه قلوبنا
ودمهم حر مصري زي دمنا
وازاي هاننسي
اللي ضحوا بعمرهم من أجلنا
يا مصرنا
إياك تبكي وافرحي واصدحي
عاش الشهيد
في كل لحظة وف كل عيد
مات الشهيد عشان نعيش
ويختفي من حياتنا
طابور العيش
وتنتهي كلمة مفيش
إللي كان دايما يقولها المسئولين
إللي سرقوا من شعبنا الملايين
ومصوا دمنا
وقتلوا حلمنا
مات الشهيد
لما القهر زاد
والفساد عم البلاد
والرشاوي والسرقة
في حياتنا صبحت أمر واقع
والكل م الفقر واقع
هم وناقع
والغناوي بإيه تفيد
مات الشهيد
المشاركات
0 التعليقات