روز الزهراء اليوم

مجلة الكترونية شاملة متنوعة متجددة

WordPress plugin

آخرتها إيه ياوطن للشاعرة فاطمة الزهراء فلا

مرسلة بواسطة الشاعرة الجمعة، 3 فبراير 2012



ارفع اديك الوطن مش ليك


أرواح تموت مابقتش علقة تفوت



إيه يا وطن بإيه يفيد السكوت ؟



وفي الهوا ضاع جوانا مليون صوت



زمالك ولا أهلي ولا مصري



واقفين نقول توت توت



ماكنش فيه خوانه والفرحة جوانا



شباب صغير وريشه أخضر



فجأة انضرب بألف سوط



كارثة جديدة نار وحديدة



فين هيه مصر الجديدة؟



ولا لاقية غير وطن بيموت



وارفع بقي عنا ايديك



ولا عدش فرخة ولا عادش ديك



من سجنهم أقصد مارينا



بيخططوا وكل أتباعهم معانا



مهما رحنا ولاجينا



وكل شهيد بيموت



بيرفعوا اديهم بعلامة انتصار



واحنا الدموع تملا عنينا



كارثة جديدة ديه ؟ ولا نكسة ولا وكسة ولا خيبة



وف كل لحظة علي جمر نتقلب ناسيين أسامينا
أيوه همه السبب ليه العجب ؟
لما انخلع هوه وعصابته
وف كل لحظة بيدبروا لينا



وارفع اديك وسيبها مدنيه



ليه مصر تحكمها ادين عسكرية



ليه مصر دايما تسرقها الحرامية



شعب عظيم لكن فقير نايم علي الحصير



من غير غطا وف حلمه شاف البطانية



وحياته قبل الثورة وبعدها هيه هيه



وارفع اديك



فادت بإيه قعدتك



غير حماية البلطجية



وفلوسنا منهوبة وبلدنا مخروبة



وهمه لسه عايشين بيحكموا



ماهي أصلها وسية










2 التعليقات

  1. رااااااااائعة يا أستاذة فاطمة .... هو ده حالنا وأحلامنا بتضيع قدام عنينا

     
  2. 000000 Says:
  3. الشاعره المتألقه فاطمه الزهراء
    أنت كما عرفتك من قبل ، حامله على أعناقك هموم الوطن ، وقلمك مبدع ومطيع لأفكارك .
    أحسنتى ، وأبدعتى
    مع خالص تحياتى

     

إرسال تعليق

create your own banner at mybannermaker.com!

visitors

Slider

create your own banner at mybannermaker.com!

PHOTO GALLERY

bookmark
bookmark
bookmark
bookmark
bookmark

About Me

صورتي
الشاعرة
شاعرة مصرية / رئيس اتحاد كتاب مصر فرع الدقهلية ودمياط / عضو نادى أدب المنصورة / المسئول الإعلامى بأتيليه المنصورة /
عرض الملف الشخصي الكامل الخاص بي

Followers

1

create your own banner at mybannermaker.com!

Blog Archive

Search

Map

*ترحب روزالزهراء اليوم بإبداعاتكم ومشاركاتكم لنشرها بواحة الإبداع وذلك علىfatma_fal_2@yahoo.com ........ *أخيرا تم نقل مقر اتحاد كتاب الدقهلية إلى (18 ش المروة/المهندسين..مجمع المحاكم المنصورة) ..أهلا وسهلا بكم فى داركم ......
Blogger. يتم التشغيل بواسطة Blogger.

Popular Posts