بيرقصوا ويبينوا اللي جوه الشفتشي
وكلام غريب اشي واشي
يا بلدنا عيب اختشي
لمي صدرك المفتوح
وقطعي قميصك المشمشي
ثورتنا كانت بلا معني
ومن يومها عمالة تفرقنا
وبنارها كل يوم بتحرقنا
وآدي العوالم اخدوا منا حتي القيم...
وايه اللي فاضل لنا غير هم وشجن
ومبادئ حاجات كده مجنونة
وبلا معني
بلا علم بلا دكترة بلا كتب ودروس
ايهي واحده هزت وسطها أصبح معاها فلوس
وع البيعة خدت شهادة بيحسدها عليها
صبي العالمة المنحوس
وواحدة زيي قضت عمرها
تكتب وتشعر وتولع لغيرها ألف فانوس
لا طالت عنب ولا بلح
غير طرحة متواضعة جدا ملفوفة بالدبوس
المشاركات
0 التعليقات