مفيهوش غير أوضة وتليفزيون
وأم عاقلة
وأب ساعات عاقل وساعات كتير مجنون
وكام عيل متنتورين
مابين الشارع
وبيوت الجيران
واحد لابس والتاني
أكيد عريان
وبنت حلوة بضفيرة
مستنية واحد من الجدعان
ييجي يخطبها
يدفع شبكة ومهر
وتشيل معاه القهر
تسكن في بيت تاني
مليان بشر تاني
كان نفسها في أوضة
لوحدها
لكن زمانها أناني
مستكتر عليها
ترتاح بقية العمر
المشاركات
روزا الزهراء ترحب بتعليقاتكم
rosalzahraa would be pleased with your comments
40seconds ago